ياليت ان الزمن يرجع وراء ولا اليالي اتدور ******ويرجع وقتنا الاول ونلعب في بساطتنا
زمان اول احس انه زمان صدق فيه شعور*******نحب ونخلص النيه وتجمعنا محبتنا
زمن مافيه لا غيبه ولاحتى نفاق وزور*******ياليته بس لو يرجع ونسترجع طفولتنا
صغار قلوبنا بيضا نعيش بعالم محصور*******ولانعرف ابد اغراب مغير عيال حارتنا
صحيح صغار تفكير لكن ماعلينا قصور*******نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور*********نحاول نزعج العالم في روحتنا وجيتنا
وعشان ناخر الحصه نخبي علبه الطبشور*********نشاغب بس بالاخر تميزنا برائتنا
نحب الضحك والهيصه نحب نط فوق السور*******نفرفش ليه مانفرفش مدام الضحك عادتنا
لكن لكن دارت الايام وبان الخافي والمستور*********وصار الهم متعلي على قمه سعادتنا
كبرنا وصارت الدنيا تصف احزاننا بدور**********وتهدينا الالم غصب عن عين رغبتنا
تعبنا من بلاويها احد ميت واحد مقهور********وكلن ضايق بهمه وفي الاخر تشتتنا
وانا وانا ماقول غير الا ياليت الزمان يدور*******ويرجع للورا فتره نعدل وضع عيشتنا
........ أبيات الشعر منقولة ..........
ليست هناك تعليقات:
إرسال تعليق